Va mening zorim...
Va yana xorligim, xorligim uchun.
May,
Xudo,
muxabbat...
Va qatlim dori -
Bor azoblaringa borligim uchun!
Seni ko'zgu qilib
Quyoshga tutgan
Mening xudoxoxish yuragim uchun.
Xar bir laxza uchun qon yutayotgan,
"Seni... Seni..." degan tilagim uchun...
Ko'nglim ko'zgusida o'zini ko'rib
Senga maftun bo'lgan
Sanamlar uchun,
Yog'duday yog'ilgan umrimdan yurib
Yuragimni yegan g'animlar uchun!
Bag'ringga uzalib yetmagan umrim,
Umrimning
eng maxzun tunlari uchun!
Seni tushlarida ko'rib sevingan
Men ko'rgan-ko'rmagan kunlarim uchun...
senga malol kelgan Sevgim, hayolim,
Sevgimday sof,
Achchiq yoshlarim haqqi,
Menga atalmagan muxabbating-u
Menga degan
Nafrat toshlaring xaqqi...
Xammasi,
Xammasi,
Xammasi uchun!
Ko'zlarimni o'ydim bir o'tkir tig'-la.
Senga azob bo'ldi mening borligim,
Ketayapman...
...yo'qligim
Uchun
Jim...
YIG'LA!

Xudo shoxid
unitolmadim
Ko'zlarimga tushgan soyasin.
Uzun tunlar takrorlab chiqdim
Baxtga o'xshash ishq hikoyasin.
Sog'inchining titroqlarida
Kipriklari o'qirdi kitob.
Sovuqqina jonsiz simlardan
Quyilardi ko'ksimga oftob.
Ostonamdan
kirmay turib U
Kirib bo'ldi qonu jonimga.
"Sevaman" - deb asta shivirlab
O'tlar qo'ydi xonumonimga!
Xudo shoxid
qanday unitay?
Gullar tutdi ajib bir kunlar.
Tushimmi deb ko'zimni yumsam -
Ko'llarimda xanuz shu gullar...
Xudo shoxid,
bor edi unda
Sevgidan-da yuksakroq tuyg'u.
Meni telba etgandi shunda
Ruxidagi eng go'zal qayg'u.
Nima bo'ldi keyin, bilmadim,
Bizni yengdi qanday g'anim g'am.
Xudo shoxid,
Osmon edi U,
Bo'lolmadim qaro tuproq xam!

Siz baxtlisiz...
Aqldan ozib,
Men jimman.
Ishq - umrimga qafas.
Yuragimni ezg'ilab bosib
Yillar o'tdi, yillar...
Men emas!
Ko'zingizni qadaysiz ko'kka!
Boshingizda
aylanadi kun.
Kunlarimni berib yo'qlikka,
Men yig'ladim balki siz uchun!..
Tushimda ham
o'yladim sizni,
Izlab chiqdim tushlarimda ham.
Ozor ichra,
odamzor ichra
Yolg'iz sizni qo'msadim, Odam!
Ko'zlarim ko'r bo'lguncha ichdim
Kir nafratni qora yodini.
Ming yil
zulm zulmatin kechdim
Unutay deb dil faryodini.

Yilla o'tdi,
yillar...
Men emas!
Men qolganman o'sha laxzada -
Nigohingiz
"yalt" etib tushgan
So'ng yo'qolgan mangu larzada...
Qo'lingizga tutsa ham Olloh,
yuragimga chiqmaysiz ega.
Siz sevilib baxtlisiz, biroq...
Men baxtiyor emasman nega?

Ruhimning devona shamollarida
Ishqimning bo'yida aqldan ozgan.
Ko'nglimning qonidan bir gul undirib,
Bargiga o'zganing ismini yozgan.

Ketsam - dunyosiga o'tlar qo'ygan-u,
Qolsam - oshnolari g'avg'o boshlagan.
Ko'nlimni Egamdan tilab olgan-u,
Keyin vujudimni itga talatgan.

Sevgimdan Xudoga sevilgan, biroq,
Sevgimdan o'zimni gunoxkor qilgan.
Qancha ketsam, shuncha bo'lgan yaqinroq,
Qancha sevsam, shuncha begona bo'lgan.

Xukm qilichini ko'ksimga tirab,
Atirgul g'unchasini yurakka tukkan.
O'lsam, g'arib ishqim vayronasida
Bir telba Majnundek ko'z yoshi to'kkan.

Bir umr nur ichra yashab turib xam,
Bir tola nurimni ko'rmagan inson.
Siz meni xech qachon tanimagansiz,
Meni sevmagansiz xech qachon!

Endi kim deb atay, kim deb ishonay,
Dilimni kemirsa xaqorat tig'i?
Ruhimning qorong'u yo'laklaridan
Umrimni yondirib kelsa bir yig'i...

Zaqqumga aylangan, zaxarga to'lgan
Yuragim jomini uraman toshga.
Men sizni bir umr kechirolmayman,
Sizga qaytolmayman, azizam, boshqa...

Xar laxza yurakka sanchilar tig'day
Ko'zimning qonida suzasiz ayon.
Afsuski, men sizni qattiq sevganman,
Afsuski, men sizni sevaman xamon!

Uyg'onguvchi bog'larni kezdim,
Topay dedim qirdan izingni.
Yonog'ingdan rang olgan dedim -
Lolazorga burdim yuzimni,
Uchratmadim ammo o'zingni,
- Sen bahorni sog'inmadingmi?

Uzoqlarda zalvorli tog'lar
Xayolimni keldilar bosib.
Kechdi qancha intizor chog'lar,
Vasling menga bo'lmadi nasib,
Sensiz men ham, bahor ham g'arib,
- Sen bahorni sog'inmadingmi?

Mana, bugun navro'zi olam,
Do'stlarimga gullar tutarman.
Qaylardasan, sevgili erkam...
Qo'limda gul, seni kutarman,
Umrim bo'yi chorlab o'tarman,
- Sen bahorni sog'inmadingmi?

U qo‘shiq kuyladi yor sha’niga mast,
Sho‘xchan she’rlar aytdi sevgi nomidan.
Hammani kuldirdi, qiz esa faqat
Beparvo jilmayib o‘tdi yonidan.

U qo‘shiq kuyladi yor sha’niga mast,
Yig‘lab, faryod chekdi sevgi nomidan.
Hammani yig‘latdi, qiz esa faqat
Beparvo jilmayib o‘tdi yonidan.

U qo‘shiq kuyladi yor sha’niga mast,
Na kuldi, na qatra to‘kdi yoshini.
U kuyladi mag‘rur, qiz bo‘lsa shu vaqt
Huzuriga keldi egib boshini.

Parchagina bulut,
Cheksiz osmon,
Adir ortidagi yolg'iz oyoq yo'l.
Barcha tashvishlarni unutib, shodon,
Qaytgim kelayotir qoshingga butkul.

Qismat mayin ichdim - achchiq va taxir,
Tuydim ehtirosning samoviy kuchin.
Dunyoda odamzod yashamas, axir,
Faqat irodasin sinamoq uchun.

Parchagina bulut,
Cheksiz osmon,
Adir ortidagi yolg'iz oyoq yo'l.
Barcha tashvishlarni unutib, shodon,
Qayta olsam edi qoshingga butkul.

Hayot kitobimni bexos varaqlab,
Men o‘tgan umrga achinmay qo‘ydim.
Tabassum o‘rnida kuldim charaqlab.
Suyish kerak bo‘lsa - telbacha suydim.

Kiyganim ipakmi, chitmi yo kimxob,
Yurak boyligidan qilmabman parvo.
Meni og‘ushlagan hayot naq oftob,
Yangi qo‘shiq talab unda har saboq.

Men o‘tgan umrga achinmay qo‘ydim,
Hech kimda ko‘rmayin umrimga o‘xshash:
Suydim,
Erkalandim,
Ayrildim,
Kuydim,
Izzat nima - bildim.
Shu-da bir yashash!..

Seni menga betob dedilar,
Bu so'z yomon, bu so'z ko'p og'ir,
Seni menga betob dedilar,
Oqdi yoshim misoli yomg'ir.

Seni menga betob dedilar...
Menga dunyo hazin tuyuldi.
Bulutlarga to'ldi osmon -
Achchiq-achchiq yoshi quyuldi.

Seni menga betob dedilar...
Lekin kelding, kelding sen o'zing.
Qora bulut tamom yo'qoldi,
Holbuki men... yig'laydi ko'zim..

Yo'q! Ko'rishmaymiz, xayr endi,
Ortiq ko'rishmaymiz yuzma-yuz.
Sahrolarda sevgimiz qoldi,
Qor ostida qoldi sevgimiz.

Ortiq ko'rishmaymiz yuzma-yuz,
Mehr to'la yoniq yuz bilan,
Yo'q, yo'q, endi hech qaramaymiz,
O'rtalikda mash'um bir tuman.

Sahrolarda sevgimiz qoldi,
Kuygan yantoq misol quyoshda.
Xato sevgi qo'shilib tomdi
Zahar-zaqqum bo'lib ko'z yoshdan.

Qor ostida qoldi sevgimiz,
Sho'rlik sevgi topmadi omon.
Yakka-yakka bo'ldi ismimiz,
Har xil yo'ldan ketdik har tomon...